قصيدة "شيخ الكرم والجود" للشاعر عادل القرص في رثاء الشيخ فدغاش الخيَّال رحمه الله

فدغاش لو قفت ضعونه عن الدار = تبقى عـلومـه بالقلـوب مـغـروسـه

ابـو سـعـود الصيرمي طـيب الكـار = عـز الضعيف اللي تلوفـه هـجوسـه

شيـخ جنابه سـمح للضيف والجـار = ماصـر في وسط المخازن فـلـوسـه

ياما عطت يمناه من حـص الاوبـار = ويـامـا فـزع للي حـيـاتـه عـبـوسـه

تسعين عـام خـاضها فـوق الاكـوار = وعـلى شـداد العــز ثبت جـلـوسـه

شيخ سليل شيوخ ماهاب الاخطار = ثـقـيــل روز ومــبـعـدات رمــوسـه

ون كبـرت القالة وضاعـنّ الاشـوار = والوقـت شان وثـم بانت نـحـوسـه

ياقف لها لـو دونها اهـوال واضـرار = ويضفي عليها من الشجاعة لبوسه

جـسـر عديم وشامخا لـون سنـجـار = وعوق العديم ان قام تضرس ضروسه

اطلب عسى الوالي يجيـره من النار = وروحــه بلـذات النعيم مـغـمـوسـه