• ×

06:26 صباحًا , الإثنين 15 صفر 1441 / 14 أكتوبر 2019

حاصلة على ترخيص وزارة الثقافة والإعلام


يا مدورين الطيب

التاريخ 1440-12-09 11:15 صباحًا
نبض القوافي - نبض الشمال :
 

مرقا العلا خطرٍ عسيرٍ صعوده = ما يطلعه من لا تجلد على الكود

والبيت ما يبنى بليا عموده = والحيف يزعل من عن الحق مردود

والحر يجزع يوم توطا حدوده = وتشرهه نفسه على الطيب والزود

ولا يشتكي من لا تضره لهوده = إن شاف جور الحيف والعدل مفقود

والوقت شفنا كل بيضه وسوده = وشفنا نهار مع لياليه مضهود

والغيم لو تسمع صواعق رعوده = لا ممطرٍ وبلٍ ولا هوب مريود

يا مدورين الطيب قيسوا عدوده = والطيب عدٍ بين الاجواد مارود

والناس بأرض الله تراهم شهوده = وحق بلا فعل على الرجل مجحود

والنذل حيلات الردى ما تكوده = واليا بغا الطولات ما يدرك الجود

عن المراجل قاصرات زنوده = طير العشا يصبر على كل منقود

الخيل ما تشكي مضاريب عوده = وبالقيض ما ركب النضا مثل صاهود

يعيش في دنياه همه رقوده = ولا نفضنه قرّح الخيل والقود

لا عل رحمة خالقه ما تعوده = وعساه مع زمرة هل النار بخلود

هذا زمان هايبات فهوده = والناس نادوا عنترة بسم مسعود

واشوف لي رجلٍ يعدد جدوده = لو أن أبوه وجده اضعف من الدود

كلت من الماطا رواسي حيوده = والبوم شاش ولابسٍ درع داوود

والنيص حط لهامة الراس خودة = عقب المذلة له طوابير وجنود

ماكن شيٍ في زمانه يكوده = شاهد بها الدنيا سلامات وركود

وحتى الغراب اليوم يفخر بجوده = والفار بذراعه قطع كل بالود

والشري والحرمل تباهت وروده = وقامت تشيل غصونه الماس وعقود

محمد الأحمد السديري

تعليقات 0 إهداءات 0
التعليقات ( 0 )

القوالب التكميلية للأخبار

جميع الأوقات بتوقيت جرينتش +3 ساعات. الوقت الآن هو 06:26 صباحًا الإثنين 15 صفر 1441 / 14 أكتوبر 2019.
Powered by Dimofinf cms Version 4.0.0
Copyright© Dimensions Of Information Ltd.
التصميم بواسطة ALTALEDI NET